رنگی سولموش خزلم ، یئللره تاپشیرما منی

رنگی سولموش خزلم ، یئللره تاپشیرما منی
گؤزیاشیمنان توکولن ، سئللره تاپشیرما منی
آند اولا عشقیمه ،بیرگون دؤزه بیلمم سنسیز
آیلارا ، هفته لره ، ایللره تاپشیرما منی
باخیرام یوللارینا ،بیرگون اولا سن گئله سن
بوباشیمدا آغاران تئللره تاپشیرما منی
او شیرین صحبتینی بیرده اولا من ائشیدم !!!
نه اولار ؟گئل بو آجی دیللره تاپشیرما منی
ای جانم ،
هر گئجه سن عشقی اولان بیر یوخوسان
دئییرم گئل یانیما ، گوللره تاپشیرما منی